¯\_(ツ)_/¯, нататкі з тэгам: public transport

Альтэрнатыўная схема руху трамваяў Кракава

Wed, 17 May 2023 21:53:44 +0300

Шчыра кажучы, і афіцыйная схема руху трамваяў Кракава нармальная. Схема як схема — калі хочаш па ёй знайсці, як ехаць — знойдзеш. Але ўсё ў ёй чамусьці нясе на сабе адбітак нейкай недасканаласці: месцамі вялізныя дзіркі, месцамі — нагрувашчванне дробных элементаў, лініі, абведзеныя лініямі, сабраныя ў лініі, складаныя вузлы, дзесяткі колераў, вельмі дробныя надпісы... Карацей, так і хочацца яе палепшыць)

Афіцыйная схема

Лепшая альтэрнатыва — спрасціць

Кажуць, чым меней паваротаў у лініі, тым лягчэй прасачыць маршрут. А каб іх было меней, трэба сетку вуглоў з 45° змяніць на 36°. У выпадку менавіта кракаўскай геаграфіі яна больш натуральная.

Яшчэ лічыцца, што спрашчае ўспрыманне ўнутраны парадак, які ўзнікае, калі элементы падпарадкоўваюцца аднаму рытму. У альтэрнатыўнай версіі такі рытм ёсць у кожнай плоскасці:

Надпісы таксама парасстаўляныя рытмічна:

Колеры і пучкі

Калі ўважліва прыгледзіцца да кракаўскіх трамваяў, высвятляецца, што кожны маршрут не такі ўжо й унікальны — яны па два, па тры, а то і па чатыры ходзяць на асноўных адрэзках тымі ж самымі вуліцамі. Адрозніваюцца толькі “хвасты” маршрутаў. Таму мець кожнаму маршруту свой асабісты колер зусім не абавязкова. У альтэрнатыўнай версіі абыдземся толькі 7 на ўсіх замест былых 20. Гэта акрамя ўсяго дасць нам магчымасць разблытаць складаныя вузлы:

Новыя колеры падабраныя такім чынам, каб схему маглі прачытаць таксама і людзі з парушэннямі ўспрымання колераў:

1) Як убачаць схему, напрыклад, людзі з дэйтэранамаліяй; 2) дэйтэранапіяй; 3) трытанамаліяй

Змяншэнне колькасці колераў дае дадатковы своеасаблівы мнеманічны эфект: па колеры лініі можна адразу сказаць, якая ў яе “геаграфія”. Кшталту “чырвоная ідзе з паўночнага захаду на поўдзень праз Філармонію і Страдом”, ці “фіялетавая — так жа сама, толькі праз Старавісельну і тэатр Славацкéга”, ці “жоўтыя з сінімі ўмоўныя гарызанталі, а туркусовая — умоўная вертыкаль, ідзе праз тунэль”. І гэтак далей.

Акрамя гэтага, калі колераў менш, схема больш чыстая і пазітыўная. Пазітыву дадаюць таксама геаграфічныя аб'екты (акрамя таго, што з'яўляюцца арыентырамі).

Яшчэ адзін з вядомых прынцыпаў паляпшэння схем — пазбавіцца ад легенды (прынамсі хаця б часткова). Для альтэрнатыўнай версіі было вырашана паказаць напрамкі, у якіх ідуць трамваі, не ў легендзе, а ў саміх канцавых пунктах.

Што аб'ектыўна стала лепш

Пры аднолькавых габарытах схем (альтэрнатыўная нават трохі меншая па вышыні) надпісы на новай схеме значна большага памеру, чым тыя, што на афіцыйнай:

Такім чынам, лічу, альтэрнатыўная схема лепш :)

***

Сябры, гэта першая версія схемы, якая будзе дапрацоўвацца. Мне патрэбна ваша дапамога. Па-першае, неабходныя людзі з добрым валоданнем польскай, для таго, каб вычытаць і выправіць памылкі, якія я верагодна нарабіў. Па-другое, патрэбны жыхары і наведвальнікі Кракава, якія б дапамаглі знайсці факталагічныя памылкі. Калі вы ці вашы знаёмыя могуць дапамагчы, калі ласка, напішыце мне.

Мінскае метро. Антысхема IІІ

Thu, 21 Jul 2022 20:29:11 +0300

Памятаеце, была такая Антысхема мінскага метро? Хачу вам распавесці, як пераадолеў адно з яе базавых абмежаванняў — дадаў трэцюю лінію.

PDF

Нагадаю. Неяк, шукаючы абсалют, я прыйшоў да высновы, што ў схеме метро Мінска можна адмовіцца ад ліній, а сэнс не зменіцца. Проста вертыкальнай воссю хай будуць станцыі, а гарызнатальнай — пераход паміж лініямі. А тое, што станцыі будуць на адной лініі, нават дасць магчымасць паказаць суадносіны адлегласцяў паміж імі — будзе больш інфарматыўнасці.

Фрагмент афіцыйнай схемы метро на той момант побач з адпаведным фрагментам першай антысхемы

Атрымалася нешта, што адначасова і існуе ў свеце схемаў, і, па сутнасці, іх адмаўляе. Антысхема.

Другая версія антысхемы

Але ж так зручна тады ўсё сышлося таму, што ліній было ўсяго дзве. А неўзабаве ж з’явілася трэцяя. Яна злучаецца і з першай, і з другой адначасова. Здаецца, дзвюх плоскасцяў ужо не хопіць, каб паказаць адначасова лініі і ўсе пераходы...

Але выйсце ёсць. Трэба проста ўмоўна плоскасць пераўтварыць у 3D-аб'ект.

Так першапачатковая канцэпцыя для дзвюх ліній застаецца і пры трох: спіс станцый вертыкальна, пераходы — гарызантальна. І калі дабудуюцца новыя станцыі трэцяй лініі, нічога не зменіцца.

Вуліцы

Выхады са станцый з'явіліся яшчэ ў другой версіі антысхемы — маўляў, калі ведаем, з якой станцыі патрапіць на вуліцу, то крута было б і ведаць, куды канкрэтна ісці. Але сітуацыя з выхадам там абыгравалася лакальна, у спісе, паказваючы зносіны вуліцы толькі з «яе» станцыяй. У новай жа версіі вуліцы (прынамсі, іх абазначэнні) узаемадзейнічаюць з усім астатнім асяроддзем.

Чаму некаторыя з абазначэнняў як бы трохі прыглушаныя? Гэта таксама новае ў антысхеме: тыя вуліцы, назву якіх можна шукаць па-рознаму (ці то «Яна Чачота», ці то «Чачота Яна»), займаюць у спісе вуліц цяпер два месцы. Трошкі прыглушаны побач з малюнкам станцыі нумар «альтэрнатыўнага» варыянту (у выпадку з Чачотам гэта быў бы «Чачота Яна»).

Яшчэ новае, што станцыі атрымалі каардынаты. Цяпер шэрыя гарызантальныя лініі пад імі паказваюць не толькі колькасць адрэзкаў па 2 мінуты (дыстанцыю), а яшчэ і межы картаграфічных «квадратаў», у якіх станцыі знаходзяцца.

1) верхні левы вугал антысхемы; 2) правы ніжні

Вось так. Пампуйце і глядзіце PDF арыгінальнага памеру.

***
Хацелася б знайсці чалавека, які б дапамог з перакладам на іншыя мовы. Калі гэта вы, ці, можа, вы проста знайшлі памылку, ці ёсць прапановы, заўвагі, ці яшчэ што, калі ласка, пішыце.

Информационные экраны на Минских остановках

Mon, 15 Jan 2018 17:20:17 +0300

Хотелось бы высказаться на больную для каждого честного человека тему — о «мультимедийных» экранах на остановках.

Почему они такие отвратительные
Мелкое попрание здравого смысла в начале разработке интерфейса повлияло на судьбу экранов чересчур значительно. Сначала в них вместо акцента на том, когда прибудет нужный автобус решили заострить внимание на том, где он сейчас. Потом от этой странноватой идеи отказались. Но менять заданное ею расположения элементов почему-то не стали. Кроме того, по привычке решили занять «свободное место» рекламой. Так вместо спорной первой концепции получился откровенный сюр.

Первоначальная идея и то, что имеем сейчас (использован фрагмент снимка с сайта citydog.by)

Гипотеза, как исправить
Предлагаю отказаться от использования воспоминаний о первой идее и просто взять за основу структуру табло. Вдобавок отказаться от единой структуры для всех экранов, и в зависимости от конкретного случая варьировать содержание.

Табло

Концепт экрана для случая с большим количеством транспорта

Он же, ночной

Для случая, когда транспорта не так много

На остановке, на которой останавливается только один